الأحد، 24 يوليو، 2011

عن المجلس العسكرى وخرف الجينرالات

كثيراً ما كان لدينا أمل فى قادة المجلس وهذه سذاجة نحسد عليها لأنهم غنوا قديماً قديماً وقالوا ( طفى النور يا بهية كل العسكر حراميه ) ومع ذلك قولنا نفتح صفحه جديدة وأهو كله بيطلع ف الغسيل.
لكن المجلس العسكرى بقيادة الفنجرى والروينى وعنان وطنطاوى ومميش وشاهين والعصار والملا كلها أسامى غريبة الأطوار تؤكد على أن المنعوت بها يخرج من زهرة غريبة لاتزرع ولا تروى تسمى بزهرة عبده الفشيخ تظهر على سفاح جبال اوغندا الشماليه وبعد مرور 6 شهور على نضوج تلك الزهرة تتربى الكائنات التى تخرج من الثمرة على حشائش السفانا فى الغابات الإستوائية المتوسطة بأفريقيا العاليا وبعدها ربك يبلى بيها إللى مش عاجبه من بنى البشر.
وبعد كدا يقولوا للشعب رصيدنا لديكم يسمح ... فلم الناس تقوله رصيدكم نفذ ولا ينفع إعادة الشحن ولا كلمنى شكراً يلوح عن وجهة الحيوانى إلا إنسانى ويقول طيب ماشى ويقضيها محاكمات عسكرية وإختبارات عذرية وضرب متظاهرين والقبض على ضباط الجيش المواليين للثوار ويقلب البلد نار وكأنه لوحده هو صاحب القرار.
خخخخخخخخخخخخخخخخخخخخ A7A ليه حد قالك علينا إننا بتوع خيار ولا جايبنا من تحت عمود نور فى عز النهار.
لا يا شطار إحنا الثوار نور ونار عزيمه وكرامه من قبل ما تطلوا علينا بسحنتكم البهيمة.
إحنا لا بلطجية ولا حراميه ولا عايزين مناصب ولا كراسى موسيقية إحنا كل إللى عايزينه نعيش ف حرية وكرامة وإنسانيه ولا انتوا متعرفوش غير البهايم والحراميه مش ذنبنا إننا طلعنا ف جيل مختلف محترف بيعرف يجيب حقه حتى ولو السارق لص محترف عارفين إنتوا إيه مشكلتكم ؟؟؟ 
مشكلتكم إنكم غيرانين من شويه عيال رفعوا النعال أمام صواريخ وصولجان مخلوع كان بيضربكم بالنعال.
مشكلتكم إنكم بنتدموا إنكم معملتوش إنقلاب وبقيتوا أصحاب البلاد.
مشكلتكم إنكم مش عارفين تبقوا شجان زى ملايين من إللى نزلوا الميدان.
عارفين هى واكلاكم ليه علشان شويه عيال عملوا إللى مكنش يخطر ف بال أى حد منكم ولأنكم أتربيتوا فى مدرسة المخلوع على الكره والظلم والجوع بقيتوا زى إللى المثل قال عليهم ( لما شاف .... أمه إتهبل ) أيوه أتهبل... أتهبل من شويه عيال عارفين الحل إيه أنكم تقلعوا نظرات القاده والجينرالات وتقفوا فى الشرفات تتفرجوا بهدؤ على دلع البنات هتعرفوا كويس قوى يعنى إيه جيل جديد وفكر وليد مش شغل جمال لا ده عيال جابوا النصر بالطوب والنعال ولو فكرتم تحابوهم هيبقى مصيركم من مصير إللى سبقكم وإللى سبقكم عمره ما هينصفكم والتاريخ ياما قال.
بس حد بالك أنت وهو يا مجلس الحل الأكيد فى ميلاد جديد لينا وليكم تصرحونا وتعذرو وتصالحونا بعدها يبداء البناء والعطاء لكن لو كل واحد فيكم فاهم أنه عزبه أبوه هنكسروه وهبعبصوه وف الميدان نهنظطوه 
والله ما يوفقكم أبداً 
ملحوظة هامة : أئمل فى حالة أى ملاحقة قانويه أن تكون أمام قاض طبيعى وليس إستثنائى وده طلب مش إستثنائى ده لمصلحتك أولاً 

ليست هناك تعليقات: