الثلاثاء، 23 أغسطس 2011

لا مؤاخذه يا سينا .. لا مؤاخذه يا كاطو


بداية وجب علينا جميعا أن ننعى شهداء سيناء ونقدم العزاء.
وأعتذر لأهل سيناء وبكل اسف فيما ألت إيه أحوال المنطقة من تقصير أمنى لا يغتفر وجرائم إنسانيه وازمات إجتماعية متكرره ومغلظة.
ووقوفا على حق الأرض والتدليل بالمقولة الشهيرة والمتتكرره على مر الازمان وفى مختلف التنزيلات أن حرمه وكرامه الأرض مثلها مثل العرض ولا مؤاخذه !!
اللامواخذه الأولى : للأرض والعرض والناس ولكل المعاني الطيبه اللي فى تراب مصر التي إعتدت عليها رصاصات الإحتلال الإسرائيلي فى فلسطين مؤكده على أسفها من مقتل بعض الجنون المصريين برصاص الجيش الإسرائلى فى مطارده لعناصر إرهابيه فى سيناء.. ولا مؤاخذه !!
يعنى إيه تاني معلش يعنى هما كانوا بيجروا وار عيال ولاد تيييييت فى سينا وأحنا واقفين ؟ فبالمره وقعوا كام عسكري وضابط مش مهم التنيف بس عددهم 3 مصريين وخلاص مش حكاية !!
الله إيه يا عم انت وهو وهو ولا ليه ولا مؤاخذه مش سامع صوتكم ؟؟ 
أه بكلم المجلس العسكري أمال بكلم الحاجه على الأرضي أبو 3 قروش ولا مؤاخذه !!
وخناقه حولين تصريحاته ومجلس الوزراء يطلع بيان من نقطتين .. (تقدمت مصر باحتجاج رسمي إلى الجانب الإسرائيلي وطلبت إجراء تحقيق عاجل للوقوف حول الأسباب والملابسات التي أدت إلى الخسائر في القوات المسلحة داخل حدودنا، حيث شهدت أمس منطقة الحدود المصرية -الإسرائيلية أحداث اعتداء عناصر مسلحة استهدفت مواطنين إسرائيليين داخل حدود إسرائيل وشرق خط الحدود الدولية المشتركة، وترتب على ذلك وأثناء تعامل القوات الإسرائيلية بالنيران مع هذه العناصر استشهاد 3 وإصابة 7 من قوات الأمن المصرية).
والمجلس العسكري إللى مركز مع تويتر والفيس بوك مش واخد باله ولا مؤاخذه من فيه 3 مصريين ماتوا فى سيناء هسمع صوت جناب المشير ولا عمو إللى جنبو أمتي ؟؟ 
يا عم دا تقرير قوات المراقبة الدولية فى سيناء بيقول أنه إختراق لوسط سيناء  وصلاة الجنازة كانت عسكرية وفيها وفد عسكري هستني أسمع صوتكم بقا سنة 225 والحادث وقع فى العتبه ولا مؤاخذه !!
وبالنسبة للعم  كاطو أو كما يقدم من وسائل الإعلام اللواء : عبدالمنعم كاطو خبير إستراتيجي.
لا مؤاخذه !!
إيه أسمه  " كاطو" 
ده أسم جنابك طب واللي جنبك وانت بتتكلم ميعرفش أن إسمك كدا ؟؟ 
وإللى أدالك الأمر وطلب منك أنك تقول اللي قولته دا عارف أن  أسم حضرتك دا كدا وهطلعوك علينا لا مؤاخذه  !! 
طيب ممكن يطلع العم "كاطو" من جهة سيادة محترمة كدا زي جهاز المخابرات العامة وعلى أقل المستويات جهاز الأمن الوطني أحسن يتنقل بعد معرفه معنى اسمه ولا مؤاخذه!!
ويطلع بعد كدا يقولك ده تصريحاته كانت للمصلحة العامة ولتهدئه الرأي العام ومعرفة ردود أفعال المجتمع من خلال إستطلاعات الفئات الشعبية المتمثلة بشكل جيد ولا هو عم نيتانياهو ووزير الدفاع الإسرائلى ورئيس الموساد قاعدين بيتفرجوا على العم "كاطو" المصري وبيترجموا كلامه دول صهاينة ولا تييييييييييييت بيتكلموا عربي أساسا  يا عم أنت عبيط ولا إيه ولا مؤاخذه!!
أنتوا مش واخدين بالكم هو حولين الأزمه دي قال إيه (نصر تصريحاته حول الأزمه مع إسرائيل ).
طب لو مش تبعكم ما تريحونا من ريحة أسمه "كاطو" ده وتخلصونا وتخلوا حد من عندكم يطلع ويقول حاجه عدلة ينفع تتقال قبل ما ينفع تتسمع ولا مؤاخذه ولا الناس اللي حاكمه البلد بقت بتضرب هي كمان من نفس النوع بتاع القذافى وتبقا وقعتنا طين والجيش بدل ما يركز فى سيناء والحكومة تعمل على إعمارها بكل التصريفات والأفعال من أعمر يعمر إعمارا عمار إلى أخره ويروحوا يضربوا المصريين إللى معتصمين أمام السفارة الإسرائيلية مطالبين برحيل السفير الإسرائلى الذى قتلت رصاصاته جيش بلاده المصريين فى وسط سيناء ولذويهم خالص التعازي 
والمجلس العسكري ملوش عندي غير لا مؤاخذه !! 

ليست هناك تعليقات: